將來?!

每次返香港都會一次過約番d朋友出o黍食飯, 睇o下大家o既現況. 發覺我自己真係好唔同; 好無目標, 無成就, 無錢, 無事業. 有時更想唔通佢o地o既思想:
1. 一個同我講, 結婚係目標, 而佢十二月就註冊喇. 我唔明, 結婚會係一個目標?! 我從來無諗過. 我會視同女友永遠一齊為目標, 但結婚唔係, 只係一個儀式, 真正相處先係重要
2. 一個同我講佢上沙咀叫雞為'睇醫生', 我叫佢唔好喇, 有老婆唔好搞d咁o野. 佢話呢個係佢生活方式, 亦唔怕老婆知, 大不了離婚
3. 一個做ITo既人可以幾日唔check mail, 不過會去打牌
4. 一個同我講, 好多人嚮9.11事件上, 係開心?!?! 我話, 呢d仲係人o黍o既?! 答案係, 而且仲係中國人
5. 兩個同我講, 香港只需要經濟好, 其他都唔重要. 其中一個有個仔讀小學, 另一個又就o黍有細路, 究竟有無同d仔女諗過, 係咪真係只要錢?! 其他o既都唔去關心, 七.一佢o地又去o左邊? 係咪佢o地都諗住移民?!