澳洲

過年後可能同家母去一次澳洲. 澳洲我未去過, 不過聽大佬講都相當悶吓.........

來生不做中國人

呢兩個月可以話無日得閒, 除咗公事, 就係有老人家入咗醫院.

嚮大陸, 有病有痛入醫院真係大X鑊, 眼見醫院不停同病人吊呢樣, 吊果樣, 抽血驗血, 做檢查......... 除咗為收錢而做, 真係無其他合理解釋. 最感慨係, 見到兩單'疑似'醫療事故, 其中一個病人已經死咗(醫院想賠3萬了事!!), 另一病人昏迷中!

"來生不做中國人"即使唔係完全啱, 但"來生不做在國內的中國人"就一定無錯. 悲哀!

*補充: 我嚮上海

區議會選舉

身在大陸，無得投票。不過，我住果區得民主黨同工聯會候選人，老實講，工聯會果位阿姐真係勤力好多，如果佢唔係工聯會我都會投佢(當然，如果佢唔係工聯會，就無咁多資源幫社區做嘢)。

而家，民主黨嘛，又投唔落，唯有聽毓民講，建議大家當無得揀果時，投白票。

有錢人歧視窮人, 窮人歧視更窮的人

某d香港人真係好悲哀, 自以為有d錢就去歧視窮人, 窮人就去歧視比佢更窮的人!!

另一例子, 新移民又去反對外籍佣人有權去申請居港權, 記住, 只係有權去申請o者, 申請唔一定批o架!! 而且, 香港所謂的尊重法律精神, 咁法律問題咪交畀法律解決囉, 釋乜q法呀!

中國人果種心態真係好差, 輸打鸁要.

放假，打風

咩都無做，浪費咗一日

自由

每次返到香港，都深深感受網絡自由的快感！

大假

一路無放大假, 今日終於入紙申請喇

一雞死一雞鳴

今日有位同事last day, 聽日有新同事.

祝大家好運!

新加坡培訓

老細有同我提過新加坡有培訓, 仲畀埋課程表我, 問我對邊個topic有興趣, 但就一直無講明我會去.

今日, 比較明確的知道我同另一個同事會去, 事關我同佢都收到通知-延期通知!

延期通知淨係話會延期, 但無講延到幾時.

睇廠

日半時間睇左三間廠, 其中一間係幫我地做緊貨o既, 亦係三間之中不論工藝, 品質同管理都係最差o既, 至於D貨係咪三間之中最平, 就不得而知.

工廠迎賓的小狗, 呢間廠大大話話有成10隻狗, 而且嚮工場自出自入!!

無錫

成10年無o黍, 感覺同以前差好遠, 好左好多.

仲會嚮度留多兩日, 希望有自己時間可以出去兜o下

無錫出差

聽日會合嚮香港上o黍的老細同兩位同事, 去無錫睇廠及培訓(所謂).

老細, 收得你人工o野我梗係要做, 但我辭左職等日子, 你係咪唔記得左?! 公司資源應該更合理地利用!!

危機感

曾幾何時, 老細同我講, 香港的同事無危機感, 上海的同事做野快(呢個同有無危機感無關o架?!)

頭兩, 三個月返香港office, 又真係畀我見識到某D香港同事遲到早退, 開工時間相當大聲傾電話(絕對與公事無關), 不過, 基本上都係皇親國戚先有類似行為喎; 打工果D, 10日有8日要OT, 個個做到死o下死o下!!

之後返上海office, 發覺上海office好無紀錄, 亦由於公司的默許, 某所謂高層日日遲到(不過佢日日都遲走), 樹立左一個非常唔好o既榜樣. 而做業務o既, 就真係離晒譜喇, 5日裡面邊日返, 邊日唔返你唔會知, 返果日幾點返你唔會知. 做sales其實返唔返公司唔緊要, 只要你有單返! 但係, 1個月平均每位sales都簽唔到1張單. 講到危機感, 呢幾位業務就真係一D都無喇.

高鐵來回南京

高鐵7.23出事後第一次坐高鐵, 回程時我同老細講:
講明信號有嚴重缺憾, 高鐵唔全線停, 中國鐵路部都幾好o野! 佢唔停, 我地繼續坐, 仲好o野!!

強國高鐵

天災揭人禍, 呢個詞真係非常o岩強國用.

只行百多KM而要用最少6百幾億的高鐵香港段, 要暫緩呀?!

公司阿姐

公司有位阿姐, 15號星期五下晝問我做乜唔去圍立法會, 我話收工先去. 佢話唔得, 你支持就要去, 唔搵食都要去, 不過我聽得出佢係講緊反話, 基本上係挑釁緊我........!

星期六佢突然又講, 見到黃毓民真係想兜巴星佢, 原因係毓民呱呱嘈!!

呢位阿姐真係幾搞笑, 我相信如果老闆話支持人去圍立法會, 或支持毓民, 佢一定唔敢表態.

第一, 就圍立法會o黍講, 阿姐如果會祭祖, 咁佢係咪日日都要去祭祖, 唔去果日即係代表佢無考心?!

第二, 因為毓民呱呱嘈就想兜巴星佢, 咁阿姐佢自己咪又嚮度呱呱嘈, 我係咪又可以兜巴星佢呢?!

阿姐呢類人香港有幾多?? 悲哀...........

包圍立法會

又熱又支力, 但都係要去. 身邊朋友, 同事無人去, 究竟係唔關心, 唔在乎, 定係奴性太強?!

仆街

有個仆街欺負你, 你心有不甘, 然後你去欺負更弱小的人..... 咁你咪又係一個仆街!!

終於遞信了

又要準備失業!!

album

重新再做的網上相簿終於完成, 不過好多相無左喇.......

http://album.biker.com.hk/

中港兩地

曾經做過幾份工, 牽涉中港兩地來回, 出現幾樣問題:


1. 耐唔耐要幫公司走私o野返大陸
2. 宿舍無一張自己固定的床
3. 機票經深圳, 唔係直接飛返香港
4. 公司經常用員工私人時間去travel, 又唔會補番假比你
5. 貪污舞弊

估唔到, 而家一間公司做足晒!!

帶客驗貨

首次同客去德國工廠驗貨, 因為安排得好差, 到工廠後好多文件都無, 加上某技術要求達唔到個客的要求, 最後個客無簽收批貨.

老細就話工廠好唔掂, 而我就話大部分責任係我地公司............. 呢次再次加強我要唔做o既決心!



koblenz 的黃昏



koblenz 的黃昏

koblenz 的黃昏

海德堡

海德堡

海德堡

海德堡

比利時布魯塞爾

比利時布魯塞爾

比利時布魯塞爾

比利時布魯塞爾



法蘭克福



法蘭克福





koblenz 的黃昏



面試

公司又新一輪請人, 其他辦事處唔知咩環境, 但上海就約10個8個唔出現, 應承面試但唔o黍亦唔會打個電話通知聲, 或者呢d就係國情吧.

日本大地震

天災無情, 地震, 海嘯, 再加埋核泄漏. 願死者安息.

終於去台灣

一直想去台灣, 但係每次睇完機票+酒店價錢, 同去日本差唔多, 所以都係揀去日本.

今次公幹去台灣, 主要落台中, 順帶去見見舊同事. 對台中感覺唔錯, 可能因為似日本, 平靜, 乾淨, 平房較多. 以前台灣舊同事曾經批評過我無禮貌, 我終於明白, 因為台灣人真係比較有禮貌, 就算路邊小販, 餐廳仔o既服務員, 都好有禮貌. 當你諗o下香港茶餐廳某d阿叔, 阿姐o既態度, 台灣真係天堂.

公幹關係, 得一晚行夜市........ 影d 相又唔見晒!! 重新計劃去台灣租老電自駕遊.

補影o既相:
搭左三程高鐵- 桃園>台中; 台中>台北; 台北>桃園

台北永康街附近的一家牛肉麵, 老細話好食, 我就覺得同中環九記一樣- 不外如是!

綿陽6天行

由上海飛成都, 再坐個幾鐘車去綿陽. 走時就直接由綿陽飛上海. 綿陽機場:

一位舊同事(綿陽人) 介紹食o既油茶, 唔知點形容油茶係咩..........

另外仲介紹o左"燒烤一條街", 我就試o左"天下一烤". 因為係食o左飯再去, 所以只係食o左好少燒烤, 有機會再去試清楚

 

去o左北川舊城區, 願死者安息

 

南京, 還是要去的

又買左聽日高鐵去南京做售後服務, 還好係8點的高鐵, 比平時訓小個半鐘而已........!!

四川綿陽

上次去四川綿陽已經係2002年o既事, 仲記得食o左餐好正o既火鍋!!

聽老細口氣, 短時間內(過新年前)會同工程部同事去一次綿陽, 希望唔會影響我返香港o既行程. (但感覺上會!!)

又又又又.........南京 - 無去南京, 直去泰州

shit, 仲要坐7點高鐵, 天寒地凍, 真係攞命!  票到手無耐, 南京辦同事打電話o黍, 叫我地直接坐大巴去泰州泰興集合. 公司又損失o左20%的退票費.

上海南站坐大巴去泰興RMB73, 3個鐘, 尚算舒服

完全無準備之下要嚮泰興留一晚, 工廠幫我地搵左間酒店, 打折後RMB168 一間標準房. 間房幾大, 亦算乾淨, 不過暖氣唔夠, 較到最熱最後都係得18.5度. 酒店包埋早餐, 但相當之差的早餐!!

香港恢復5日半上班

收到領導的電郵, 香港office 由2011年開始, 恢復5日半上班, 好一個新年'禮物'!!

老實講, 我上海office基本上唔受影響, 不過一睇個電郵, 解釋點解要恢復5日半工作時間, 矛盾處太多太多, 根本就唔成理由.

其實, 公司政策打工仔都無say o架啦, 又何必講咁多無謂o野, 直接宣佈返番5日半就算了罷!