七一遊行

第三年了, 到底要行到幾時?!

環保國家

今日睇新聞報導廣州一間川菜館將火鍋用過的鍋底翻用, 連水煮魚的油都要翻用..... 其實四川火鍋我問過好幾個四川人, 當中包括嚮餐館裡面做o既人, 都證實翻用係好平常的事, 因為一鍋油唔少錢, 而餐館只收你十元八塊鍋底費, 唔可能唔翻用.

'有幸'舊年04年要去成都同重慶做o野, 加加埋埋都有三個禮拜, 其間都食o左唔少火鍋....... 的確係好食o既, 不過食完一定肚痛

新官上任

廢董收皮, 中央又指派另一人上場, 一個所謂得到市民支持同認同的人. 係咩?! 得到一部份人支持而已(而且更可能因為係無其他人可以揀咪焗住支持你囉) 一日無全民投票, 一日都無得民心的特首. 唉, 點呀?! 七一遊行啦

日文部大臣否認慰安婦存在

睇到報紙話日本文部科學大臣中山成彬再次強調日本根本不存在隨軍慰安婦問題. 連我呢個毫無愛國心的人睇完都要小佢兩句, 真係乜都夠膽講, 絕對拍得住當年阿袁木話6.4事件中一個人都無死一樣, 強!!!

網上捐款

想捐錢好耐, 成日都諗住搵到工就捐, 今晚終於坐言起行, 嚮宣明會個網站捐o左. 感覺..... 很好, 一定會再捐.
http://www.worldvision.org.hk/default.asp

2005年6月4日

又六四喇, 好唔開心因為中國做o左d 咁o野搞到年年都有呢個活動. 不過開心o既係我有選擇權參與活動, 更開心係見到唔少人都有去

陀地間諜

香港出o左一個中國政府喻為的間諜, 呢次真係有排搞, 睇o下香港政府可以做d乜....... (小, 咪又係睇老豆點做囉, 夠能膽出聲咩)