曱甴為患

唔知係咪經常無人住, 廚房出現好多曱甴, 基本上夜晚每次開燈入廚房, 都會見到一, 兩隻. 試過買殺牠死畀佢哋食, 但完全無效。

終於頂唔住, 用咗強國嘢, 掂! 一殺就殺咗十幾廿隻曱甴, 之後一, 兩日陸續仲有死曱甴出現。 (不過真係幾大陣味, 要幾日先清晒, 換言之我都吸咗唔少毒!!)

2013香港電單車節

今年終於去得成車節, 都算幾多人(有唔少菲傭...), 香港出名嘅車行或者代理都有參加(唔見Suzuki!), 而且仲請咗好多O靚模.

太多麻甩影囡囡, 所以我純影車.

大圖 : 2013香港電單車節

免費電視

如果六四, 李旺陽, 國教, 狗樣689都觸動唔到嘅人, 卻因為一個免費電視牌而行出嚟, 咁嘅香港真係唔知係可喜定可悲?!

我諗, 悲就一定㗎喇, 只希望跟住會係喜。

半澤直樹

係咪好睇, 係嘅; 係咪好好睇, 又未至於.

download晒, 但睇咗幾個禮拜仲未睇完, 或者係之前聽到太多嘅推崇吧, 期望過大....

後記 : 終於睇晒, 結局好殘忍地將觀眾帶回現實, 公義唔一定有的!

拗老襯

早排同兩個舊同事食晏, 一個做咗十幾年, 一個就唔夠一年. 席間主要話題都係小吓公司, 小吓老細.

上星期收到whatsapp消息, 做唔夠一年果位已離職, 有D突然, 但又唔算意外. 呢間公司確實存在好多問題, 老細又好, 員工又好, 都好有問題. 似乎雙方都知道, 但係無決心去搞好. 老細繼續以低成本去用一D佢唔滿意嘅人, 打工嘅亦繼續收低人工hea住做.

想發展, 公司同員工兩面都睇唔到可能性; 拗老襯, 對某D員工嚟講係唔錯嘅