票投人民力量

9月7-9日公司嚮廣州開大會, 本來真係唔想去, 但9 日開完會可以返香港投票, 報名參加吧!

 票投人民力量, 趕走保皇黨, 踢走偽民主派!!

終於離開青島

差唔多兩個禮拜, 日日開工, 個同事明顯靠害, 訂咗7:40的飛機, 搞到要4:00起身坐黑的去青島機場. 做嘢真係唔該用吓個腦!!

返到上海開始作病............

青島萊西市

o黍咗一個禮拜, 開足7日工, 由朝嚮地盤唔係行就企到晚, 夜晚仲要睇資料, 覆電郵....... 年紀大真係頂唔住!!

老電 ; 老花

好耐無揸部老電, 今日要去整眼鏡順手請半日假, 搞搞部車. 幾個月無著過, 還好仲算生姓, 著到車, 就揸去葵芳整眼鏡.

副眼鏡配咗1個月, 亦戴咗一個月, 但始終好唔舒服, 頭暈. 今日再驗多次眼, pk, 原本年紀大有老花. 新眼鏡因為加深咗近視嘅度數, 加上又有老花(遠視), 變成戴新眼鏡睇近嘢就出問題. 鏡片需重新配, 費用由眼鏡店承擔, 不幸中之大幸!

2012.7.1 各位朋友你哋做過乜?

我在現場, 你呢?

coppermine 重新上線

server"被離線"後個coppermine就停咗一段時間, 終於搵到個免費又似乎ok的hosting服務, 重新setup.
http://gallery.biker.com.hk
http://album.biker.com.hk

gallery又無咗. 呢間001webhost真係唔掂, 雖則話免費, 但會任意offline你個site, 話要verify 之類, o徒氣!!

中國特有的5月35日

中國否定歷史, 無6月4日, 只有5月35日!!

RIP.

做嘢上心D啦

做嘢上心D, 認真小小, 咪唔晒咁麻煩囉!!

好好哋一個壓力錶, 溫州寄到嚟上海, 睇都唔睇吓就直接寄去香港. 而家香港發現隻錶爛咗, 又要叫工廠重新寄過一只嚟.

不單止嘥速遞費, 用嘥好多時間.

痛苦

蔡堅醫生

中學的保健醫生就係蔡堅, 睇睇吓連已故的老豆都睇埋佢. 以前細個對佢印象好模糊, 加上一年都唔會睇幾多次醫生, 中學畢業後漸漸忘記佢.

呢幾年多咗留意時事, 先發覺蔡堅醫生耐唔耐都會代表醫學界(佢係醫學會會長)出o黍講嘢, 係有良心嘅. 可惜, 尋日新聞佢表示醫學界15個選委會全部投票畀梁振英!!

好失望, 非常失望!

香港真係玩完

工聯會

唔該大家認X住工聯會呢班仆街, 見到呢D土共真眼火爆!!

扮Q晒嘢

不公平的可視角比較: Vi10精英版 vs LG SU880

來自遠方的電話

突然收到地球另一面一個auntie 嘅電話, 確實意外, 唔記得上次聽到佢把聲係幾時, 但上次見佢已經係二, 三十年前!!

澳洲行真係要計劃一下.

秘書小姐

公司新請咗個秘書, 港女o黍講算係比較開朗同熱情, 唔知因為咁定公司一直長期缺乏女性(我絕對排除佢屬於靚!), 已知有兩位男同事都追過佢, 同告失敗.

同事們, 世界好大, 唔好只睇眼前的!!

中獎

一向無抽獎運的我今年公司團年飯竟然抽中一部sony 藍光機, 算好彩!!

大獎ipad 2 好拍檔抽中, 前年大獎又係佢!!