真係唔知點解成日都比我遇到D 好乞人憎兼疑似高層的同事, 但一般情況我都會作正面對抗.
今次係一個上海中女(其實佢都未夠30歲!), 嚮公司7, 8年喇, 依我觀察, 無一個同事鍾意佢, 我亦親耳聽到唔少人對佢o既批評. 無奈, 呢種老屎忽, 加上極'大上海'o既心態, 我諗佢唔會覺得自己對人o既態度係好有問題.
老實講, 我的存在對佢o既(所謂)權力的確有影響, 加上我久唔久就串o下佢, 關係一直都講唔上係好. 亦曾經因為佢o既態度而同佢有正面衝突. 幸好我唔係打佢工, 否則好難做落去.
唔係針對上海人(不過我本身對上海人無好感), 不過實在接二連三遇到好大上海o既上海人, 階級觀念非常重, 講o野好命令口吻, 聽o既人都好唔舒服.
