爭鮮回轉壽司

有日行開南京路步行街, 嚮後街見到呢間標榜全店統一 rmb6/碟 (兩舊壽司或甜品或飲料....)回轉壽司, 就走入去試o下. 不可否定, 壽司size 偏細舊, 而且上面o既魚生都非常薄切, 但新鮮度與及味道都比在上海o既禾x, 元x 好好多, 亦比香港o既元x 好好好多. 之後嚮浦東正大分店再食多次, 正大店的size 大舊好多, 而且亦一樣新鮮. 抵食

上海的街道圖書館

經人指點, 原來上海屋企附近有間街道搞o既圖書館, 藏書量唔算多, 但都有update o既報紙雜誌免費提供. 環境唔錯, 仲有空調. 不過, 有一個好奇怪o既規則, 就係供外借o既圖書唔可以坐嚮圖書館裡面睇, 只可以借出去返屋企睇. 真係諗極都唔明, 呢個咩邏輯!!!