事與願違

不停跟自己說其實我不是很喜歡你, 結果是不停的在想你...........

又到七一

今年七一嚮香港, 毫無猶豫.

以往行到灣仔我都習慣坐低食個下午茶休息吓, 今年到灣仔都成八點, 食晚飯.

八點半灣仔電腦城外面

每個人嘅價值觀唔同, 七一有人會去吃喝玩樂, 有人揀上街, 個人認為無乜問題. 嚮咁嘅天氣情況, 特別尊敬帶埋細路出嚟嘅父母(雖然個細路唔知乜事), 同埋老人家, 傷健人士. 所謂壯年嘅我仲邊敢話辛苦!

感觸

尋晚無意間睇到家母行路有d奇怪，再睇清楚原來佢個膝頭哥歪咗，隻腳而家伸唔直...... 以往都唔覺得佢老，但諗吓，自己都四十，佢仲後生得去邊。

經常相隔過千公里，保重。

曱甴為患

唔知係咪經常無人住, 廚房出現好多曱甴, 基本上夜晚每次開燈入廚房, 都會見到一, 兩隻. 試過買殺牠死畀佢哋食, 但完全無效。

終於頂唔住, 用咗強國嘢, 掂! 一殺就殺咗十幾廿隻曱甴, 之後一, 兩日陸續仲有死曱甴出現。 (不過真係幾大陣味, 要幾日先清晒, 換言之我都吸咗唔少毒!!)

2013香港電單車節

今年終於去得成車節, 都算幾多人(有唔少菲傭...), 香港出名嘅車行或者代理都有參加(唔見Suzuki!), 而且仲請咗好多O靚模.

太多麻甩影囡囡, 所以我純影車.

大圖 : 2013香港電單車節

免費電視

如果六四, 李旺陽, 國教, 狗樣689都觸動唔到嘅人, 卻因為一個免費電視牌而行出嚟, 咁嘅香港真係唔知係可喜定可悲?!

我諗, 悲就一定㗎喇, 只希望跟住會係喜。

半澤直樹

係咪好睇, 係嘅; 係咪好好睇, 又未至於.

download晒, 但睇咗幾個禮拜仲未睇完, 或者係之前聽到太多嘅推崇吧, 期望過大....

後記 : 終於睇晒, 結局好殘忍地將觀眾帶回現實, 公義唔一定有的!